Մադրիդի կենտրոնում գտնվող շենքը մասամբ փլուզվել է, և առնվազն մեկ մարդ կարող է մնալ փլատակների տակ, երեքշաբթի օրը հաղորդել է Pais թերթը։
«Մադրիդի կենտրոնում՝ Օպերա թաղամասի 6-րդ համարի մոտ, Իլերաս փողոցում շենք է փլուզվել։ Դեռևս հայտնի չէ՝ կան արդյոք զոհեր, թե՞ փլուզումը վերահսկվել է։ Հետաքննությանը մոտ կանգնած աղբյուրները հայտնել են, որ «փլուզվել է առնվազն վեց հարկ, և առնվազն մեկ մարդ կարող է մնացած լինել փլատակներում», - գրում է հրատարակությունը։
Նրա խոսքով՝ փլուզումը տեղի է ունեցել շենքում, որտեղ շինարարական աշխատանքներ էին ընթանում: Դեպքի վայրում են հրշեջներն ու շտապօգնության խմբերը: Ականատեսները պնդում են, որ փլուզումից կարճ ժամանակ առաջ զգացել են ուժեղ ցնցում և տեսել են փողոցի վրայով բարձրացող փոշու խիտ ամպ:
