Ջեյմս Ուեբի տիեզերական աստղադիտակը ներկայացրել է առաջին «եղանակային կանխատեսումը» շագանակագույն թզուկի միջոցով, որը տիեզերքում թափառում է առանց արևի։ SIMP-0136 անվամբ այս մարմինը գտնվում է մոտ 20 լուսատարի հեռավորության վրա՝ Ձկների համաստեղությունում։ Այն ոչ մոլորակ է, ոչ աստղ, այլ՝ «ձախողված աստղ»։
Հետազոտությունը, հրապարակված Astronomy & Astrophysics ամսագրում, ցույց է տվել, որ նրա ամպերը կայուն են՝ կազմված տաք սիլիկատներից։ Սակայն մթնոլորտի վերին շերտերը հայտնվել են մոտ 300°C-ով ավելի տաք, քան կանխատեսում էին մոդելները․ պատճառը հզոր բևեռափայլերն են, որոնք ոչ միայն փայլում են, այլև տաքացնում օդը։
Գիտնականները նաև արձանագրել են ջերմաստիճանային փոքր տատանումներ, որոնք կարող են պայմանավորված լինել հսկայական փոթորիկներով։ Հետազոտողները նշում են, որ նման դիտարկումները կարևոր են՝ հասկանալու համար, թե ինչպես են փոխվում մթնոլորտները մեր արեգակնային համակարգից դուրս գտնվող աշխարհներում։
