Երգիչ Ֆիլիպ Կիրկորովը մոր և տատիկի աճյունները բերել է Մոսկվա՝ հոր գերեզմանի կողքին հուղարկավորելու համար։ Այս մասին լրագրողներին ասել է ինքը՝ արտիստը։
«Ես արդեն մորս և տատիս աճյունները բերել եմ Մոսկվա։ Հիմա փնտրում եմ միջոց, որպեսզի նաև պապիկիս՝ Մարտինի մոխիրը բերեմ, որի անունով էլ անվանակոչել եմ որդուս։ Ես ուզում եմ, որ նրանք բոլորը միասին լինեն», - նշել է Կիրկորովը։
Արտիստը բացատրել է, որ իր մայրը հուղարկավորվել է Սոֆիայում գրեթե երեսուն տարի առաջ, բայց ներկայիս աշխարհաքաղաքական իրավիճակի պատճառով չի կարող այցելել նրա գերեզմանին։
Կիրկորովը շնորհակալություն է հայտնել Ռուսաստանի արտաքին գործերի նախարարությանը այս բարդ գործընթացը կազմակերպելու գործում ցուցաբերած օգնության համար և նշել, որ այժմ իր գլխավոր առաջնահերթությունը պապիկի աճյունը հոր՝ Բեդրոս Կիրկորովի մահվան տարելիցի կապակցությամբ ժամանակին հասցնելն է։
