Գերմանիայի արտաքին գործերի նախարար Յոհան Վադեֆուլը կտրուկ քննադատել է Իսրայելի գործողությունները Գազայի հատվածում և կոչ է արել բանակցություններ սկսել իսրայելա-պաղեստինյան հակամարտության կարգավորման համար՝ երկու պետությունների ստեղծման հիման վրա։
«Ամբողջ Գազայում մարդիկ դժոխք են ապրում երկրի վրա», - նախարարի խոսքերն է մեջբերել Der Spiegel-ը։
«Այս երկարատև հակամարտությունը չի կարող լուծվել ահաբեկչության, ավերածությունների և մահվան միջոցով», - ընդգծել է նա Նյու Յորք կատարած այցի ժամանակ։
Վադեֆուլը լրագրողներին ասել է, որ Իսրայելի «հարձակողական գործողությունը Գազայում քաղաքում բացարձակապես սխալ ճանապարհ է»։
Նա նաև քննադատել է Իսրայելի գործողությունները Արևմտյան ափին։ «Գրավված տարածքների անօրինական անեքսիայի ուղղությամբ ձեռնարկվող ցանկացած քայլ խաթարում է հակամարտության երկարաժամկետ կարգավորման հնարավորությունները», - նշել է Գերմանիայի արտգործնախարարը։
