Ֆիլիպինների մայրաքաղաք Մանիլայում տեղի ունեցած անկարգությունների ժամանակ վիրավորված ոստիկանների թիվը հասել է 95-ի, հաղորդում է ABS-CBN News-ը։
Ոստիկանության տվյալներով՝ կիրակի օրվա բողոքի ցույցի ժամանակ որոշ ցուցարարներ շշեր և քարեր են նետել ոստիկանների վրա։ Մանիլայի քաղաքապետ Ֆրանցիսկո Մորենոն հայտնել է, որ ձերբակալված 216 անկարգությունների մասնակիցներից 89-ը անչափահասներ են եղել, որոնցից ամենափոքրը 12 տարեկան է եղել։
«Տրիլիոն պեսոյի երթ» անվամբ բողոքի ակցիան նախաձեռնել էին համայնքի ակտիվիստները՝ երկրի ջրհեղեղների դեմ պայքարի ֆոնդից հափշտակությունների բացահայտումներից հետո: Քաղաքային իշխանությունների տվյալներով՝ Լունետա ազգային պարկում տեղի ունեցած հանրահավաքին մասնակցել է մոտ 49,000 մարդ:
