ԱՄՆ նախագահ Դոնալդ Թրամփը հայտարարել է, որ պահպանողական ակտիվիստ Չարլի Քըրքի հետ զրույցներում ինքը կարծիք է հայտնել, որ մի օր նա կարող է դառնալ հաջորդ ամերիկացի առաջնորդը։
«Ես ասացի՝ Չարլի, կարծում եմ՝ դու լավ հնարավորություն ունես մի օր նախագահ դառնալու, կարծում եմ՝ դու կարող ես նախագահ դառնալ»», – ասել է նա Fox News-ին տված հարցազրույցում։
31-ամյա Քըրքը կրակոց է ստացել սեպտեմբերի 10-ին՝ Յուտա նահանգի Օրեմ քաղաքի համալսարանում իր ելույթի ժամանակ։ Նա մահացել է հիվանդանոցում՝ ստացած վերքից։ Պահպանողական ակտիվիստ լինելով՝ նա ԱՄՆ նախագահ Դոնալդ Թրամփի կողմնակիցն էր։
Քըրքը նաև բազմիցս դեմ է արտահայտվել Ուկրաինային տրամադրվող ամերիկյան ռազմական օգնությանը։
