Գերմանիայի կառավարությունը մերժում է այն գնահատականը, որ Իսրայելի գործողությունները Գազայի հատվածում ցեղասպանություն են։ Այս մասին հայտարարել է Գերմանիայի կանցլեր Ֆրիդրիխ Մերցը Մադրիդում Իսպանիայի վարչապետ Պեդրո Սանչեսի հետ մամուլի ասուլիսում։
«Մենք համաձայն չենք այս գործողությունները ցեղասպանություն որակելու հարցում», – ասել է կանցլերը՝ պատասխանելով լրագրողների հարցերին։ «Մենք կիսում ենք այն գնահատականը, որ Իսրայելի գործողությունները անհամաչափ են», – հավելել է նա։
Մերցի խոսքով՝ Իսրայելի կառավարությունը այս կերպ «չի հասնի իր նպատակներին», այն է՝ ՀԱՄԱՍ-ի ոչնչացմանը։
Մերցը նաև կրկնել է, որ «Գերմանիայի կառավարության համար Պաղեստինի պետականության ճանաչումը ներկայումս քննարկման առարկա չէ»։
