Եվրոպական հանձնակատարների կոլեգիան չորեքշաբթի օրը աջակցել է Եվրահանձնաժողովի նախագահ Ուրսուլա ֆոն դեր Լայենի կողմից առաջարկված Իսրայելի դեմ միջոցառումների փաթեթին, այդ թվում՝ մի քանի առևտրային համաձայնագրերի կասեցմանը, կոլեգիայի նիստից հետո հայտարարել է ԵՄ դիվանագիտության ղեկավար Կայա Կալլասը։
Երեքշաբթի օրը Կալլասը հայտարարեց, որ Եվրահանձնաժողովը առաջարկում է վերացնել մաքսային տուրքերի արտոնությունը, որը, ըստ ասոցացման համաձայնագրի, վերաբերում է ԵՄ արտահանվող իսրայելական ապրանքների 37%-ին։
«Ես ներկայացրեցի լայնածավալ պատժամիջոցների փաթեթ, որը թիրախավորում է Համասին, ահաբեկիչներին, Իսրայելի կառավարության ծայրահեղական նախարարներին, ինչպես նաև Արևմտյան ափին անպատժելիությունը սատարող նորաբնակներին և կազմակերպություններին: Հանձնաժողովը հաստատեց առևտրային արտոնությունները մասնակիորեն կասեցնելու առաջարկը», - ասել է նա:
Անցյալ շաբաթ ֆոն դեր Լայենը հայտարարեց, որ մտադիր է առաջարկել ԵՄ երկրներին պատժամիջոցներ կիրառել մի շարք իսրայելցի նախարարների և նորաբնակների նկատմամբ, ինչպես նաև մասամբ կասեցնել Իսրայելի հետ Ասոցացման համաձայնագիրը՝ կապված Գազայի հատվածում ստեղծված իրավիճակի հետ։
