Չինաստանի իշխանությունները պահանջում են, որ Իսրայելը անհապաղ դադարեցնի իր ռազմական գործողությունները Գազայի հատվածում՝ խուսափելու համար արդեն իսկ լուրջ մարդասիրական ճգնաժամի վատթարացումից, հայտարարել է Չինաստանի արտաքին գործերի նախարարության խոսնակ Լին Ցզյանը։
«Մենք պնդում ենք, որ Իսրայելը ուշադրություն դարձնի միջազգային հանրության կոչերին և անհապաղ դադարեցնի իր ռազմական գործողությունները Գազայում և հնարավորինս շուտ հասնի համապարփակ և կայուն հրադադարի՝ ավելի լուրջ մարդասիրական ճգնաժամից խուսափելու համար», - ընդգծել է նա ճեպազրույցի ժամանակ։
