Մոսկվայի մարզում դատարանը կալանավորել է գործարար Արայիկ Ամիրխանյանին՝ Ուկրաինայի Գերագույն ռադայի նախկին պատգամավոր Իլյա Կիվայի սպանության գործով, հաղորդում է ՌԻԱ Նովոստին՝ հղում անելով իր աղբյուրին։Գործակալության աղբյուրի փոխանցմամբ՝ դատարանը Կիվայի սպանության գործով գործարարի համար որպես խափանման միջոց է ընտրել կալանքը։
Ամիրխանյանն արդեն կալանքի տակ է կաշառակերության գործով։ Նա դատապարտվել է վեց տարվա ազատազրկման ընդհանուր ռեժիմի ուղղիչ գաղութում և տուգանվել։
Հետաքննությունը պարզել է, որ գործարարը երկու անգամ գումար է փոխանցել դատարանի վճիռն ի կատար ածող պաշտոնյային՝ ընկերության հաշիվների վրա կալանքն օրենքի խախտմամբ վերացնելու համար։Կիվայի մարմինը հայտնաբերվել է 2023 թվականի դեկտեմբերի 6-ին Մոսկվայի մարզի Սուպոնեվո գյուղում, և հարուցվել է սպանության գործ։
Նախնական քննության տվյալներով՝ երեկոյան ամառանոցային գյուղերից մեկի այգում անհայտ անձը կրակել է քաղաքական գործչի վրա, որը տեղում մահացել է։
