Մոտ 20 պաղեստինցի է զոհվել և տասնյակներ վիրավորվել Գազա քաղաքի՝ համանուն հատվածի վարչական կենտրոնի, ռմբակոծության հետևանքով, որը տեղի է ունեցել գիշերը, իսրայելական օդուժի կողմից, հաղորդում է Sky News Arabia-ն։
Բժշկական փորձագետների տվյալներով՝ Իսրայելի հարձակումների հետևանքով զոհվել է առնվազն 18 մարդ, իսկ մոտ 40 արաբ վիրավորվել է կամ դեռևս անհետ կորած է համարվում։
Ինչպես նշում է հեռուստաալիքը, մոտ 350 հազար բնակիչ արդեն ստիպված է եղել լքել շրջափակված անկլավի վարչական կենտրոնը։
Ավելի վաղ հաղորդվել էր, որ Իսրայելը պլանավորված «ցամաքային հարձակում» է սկսել Գազա քաղաքի վրա՝ դրա նկատմամբ լիակատար վերահսկողություն հաստատելու նպատակով։
Ինչպես նշել է Axios պորտալը, ԱՄՆ նախագահ Դոնալդ Թրամփի վարչակազմը «չի պատրաստվում խոչընդոտել Իսրայելին և թույլ կտա նրան ինքնուրույն որոշումներ կայացնել հակամարտության վերաբերյալ»։
