Ռուսաստանի և Ուկրաինայի բանակցային խմբերի միջև փոխգործակցությունը դադարեցվել է, չնայած կապի ուղիներ են ստեղծվել։ Այս մասին լրագրողներին հայտարարել է Ռուսաստանի նախագահի մամուլի քարտուղար Դմիտրի Պեսկովը՝ պատասխանելով Մոսկվայի և Կիևի բանակցողների միջև շփումների մասին հարցին։
«Հաղորդակցության ուղիները գոյություն ունեն, դրանք հաստատված են։ Մեր բանակցողները հնարավորություն ունեն շփվելու այդ ուղիներով, բայց առայժմ, հավանաբար, ավելի տեղին է խոսել դադարի մասին», - նշել է Կրեմլի ներկայացուցիչը։
Մայիսից ի վեր Ռուսաստանը և Ուկրաինան անցկացրել են ուղիղ բանակցությունների երեք փուլ։
Առաջին երկու փուլերից հետո նրանք համաձայնել են փոխանակել գերիներին «հազարը հազարի դիմաց» սկզբունքով, ինչպես նաև վերադարձնել ծանր հիվանդ և երիտասարդ (25 տարեկանից փոքր) գերիներին «բոլորը բոլորի դիմաց» սկզբունքով՝ յուրաքանչյուր կողմից առնվազն 1000 մարդ։
Ստամբուլի համաձայնագրերի շարունակության շրջանակներում, Մոսկվան հունիսին Կիևին փոխանցեց զոհված ուկրաինացի զինծառայողների առաջին 6060 մարմինները՝ վերադարձնելով Ռուսաստանի զինված ուժերի 78 զոհված մարտիկ, իսկ հուլիսի 17-ին՝ ևս 1000 ուկրաինացի զինվորների մարմիններ՝ ստանալով զոհված ռուս մարտիկների 19 մարմին։
Հուլիսի 23-ին Ստամբուլում տեղի ունեցած երրորդ փուլից հետո կողմերը համաձայնության եկան փոխանակել ոչ միայն զինվորականների, այլև քաղաքացիական անձանց։
