Երգչուհի Իրինա Ալեգրովան Mash-ին տված հարցազրույցում խոստովանել է, որ ռեփ ժանրը կարող է հետաքրքիր լինել։
Ալեգրովայի խոսքով՝ ինքը կտրականապես «չի սիրում» «գլամուրային» ռեփը, որը «անմտորեն կրկնօրինակում է Ամերիկայի «սևամորթ» մշակույթը»։
«Բայց անկեղծ ռեփը, որում կարելի է լսել երիտասարդության իրական ձայնը, կարելի է լսել փողոցային երաժշտությունը, որը նախկինում ապրում էր ռոքնռոլում... Այստեղ շատ հետաքրքիր բաներ կան», - կիսվել է արտիստը։
Ալեգրովան ուրախ է, որ իր թոռը՝ Ալեքսանդրը, լսում է երկրորդ կատեգորիայի ռեփ։ Երգչուհու խոսքով՝ տղան այս ժանրի հիանալի գիտակ է։
Ալեգրովայի խոսքով՝ ինքը երաժշտության մեջ «ամենակեր» է և չունի որևէ ոճական նախասիրություն։ Արտիստը բաց է նոր գաղափարների և ժանրերի համար։ Ինչպես նշել է կատարողը, երբեմն լսում է երիտասարդների շրջանում տարածված ստեղծագործություններ։
Ալեգրովան ասել է, որ վերջին երգերից «Ես կին եմ» երգը հուզել է իրեն։
«Երբ կարդացի երգի խոսքերը, «Ես կին եմ, իսկ դա նշանակում է, որ ես գեղեցիկ եմ մանկուց մինչև մոխրագույն ծերություն» արտահայտությունը անմիջապես գրավեց իմ ուշադրությունը։ Այս արտահայտության շուրջ կառուցվեց մի պատկեր, և արդյունքում ստացվեց մի երգ, որը մենախոսություն է, օդա և աղոթք», - նշեց երգչուհին։
Թարգմանությունը՝ Euromedia24.com-ի
