Մեծ Բրիտանիայի Արտաքին գործերի և համագործակցության նախարարությունը հայտարարել է 142 միլիոն ֆունտ ստեռլինգի (մոտ 193 միլիոն դոլար) հատկացման մասին՝ ձմեռային ժամանակահատվածում Ուկրաինայի ենթակառուցվածքներին աջակցելու համար։ Այս մասին ասվում է երկրի կառավարության մամուլի հաղորդագրության մեջ։
Նրա խոսքով՝ 100 միլիոն ֆունտ ստեռլինգ կհատկացվի «առաջնագծի գոտիներում բնակվող խաղաղ բնակիչներին կենսականորեն կարևոր մարդասիրական օգնության», ինչպես նաև ջրամատակարարման և ջեռուցման համակարգերի վերանորոգման համար։ Եվս 42 միլիոն ֆունտ ստեռլինգ կծախսվի ձմռան նախօրեին էլեկտրաէներգիայի ցանցերի, գազի և էներգետիկ ենթակառուցվածքների վերանորոգման վրա։
Բացի այդ, Մեծ Բրիտանիայի դիվանագիտական գերատեսչության ղեկավար Իվետ Քուփերը, որը նշանակվել է այս պաշտոնում սեպտեմբերի 5-ին, կայցելի Ուկրաինա իր առաջին արտասահմանյան շրջագայության շրջանակներում։
