Lego-ն հայտարարել է, որ կթողարկի նոր հավաքածու, որը կլինի ամենաթանկը՝ ընկերության պատմության մեջ։ Այն կոչվելու է «Մահվան աստղ» եւ վաճառվելու է 999,99 դոլարով։ Համաձայն առկա տեղեկատվության, կոնստրուկտորը բաղկացած է լինելու ավելի քան 9000 դետալից։ «Մահվան աստղի» ամբողջական տեսքն ունենալու է 70 սմ բարձրություն եւ 80 սմ լայնություն։
Հավաքածուի մեջ մտնում է 38 ֆիգուր։Հավաքածուն ներկայացնելու է տիեզերակայան, որտեղ առանձին սեկտորներով ներկայացված են լինելու «Աստղային պատերազմներից» հայտնի տեսարաններ։ Կոնստրուկտորն ունենալու է արքայադուստր Լեիի բանտարկության սենյակ, կայսր Պալպատինի գահասրահը եւ այն անգարի կառավարման կենտրոնը, որտեղ ներթափանցել էին Խան Սոլոն եւ Լյուք Սքայվոքերը։ Վաճառքը սկսվելու է հոկտեմբերի չորսից։
