Ֆրանսիայի Ռեն քաղաքում ցուցարարները, «Կանգնեցրեք ռասիզմը» գրությամբ պաստառներով, սպառնում են կտրել Ֆրանսիայի նախագահ Էմանուել Մակրոնի գլուխը: Ցուցարարների տեսանյութը տարածվել է X սոցիալական ցանցում:
«Մի քանի հազար մարդ վանկարկել է «Դադարեցրե՛ք ռասիզմը» և «Մակրոն, մենք կկտրենք քո գլուխը»», - ասվում է գրառումներից մեկում։
Մինչդեռ Փարիզում ցուցարարները փակում են փողոցներ և խարույկներ են վառում «Ամեն ինչ փակ է» զանգվածային շարժման շրջանակներում՝ արտահայտելու իրենց դժգոհությունը կառավարության առաջարկած խնայողության միջոցառումների նկատմամբ։
Իշխանությունները մտադիր էին մի քանի կետերի վրա խնայել 43.8 միլիարդ եվրո՝ նախկինում նախատեսված 40 միլիարդ եվրոյի փոխարեն։
