Իտալիայի արտաքին գործերի նախարար և փոխվարչապետ Անտոնիո Տայանին, մեկնաբանելով Իսրայելի կողմից Կատարում պաղեստինյան Համասի շարժման առաջնորդներին հասցված հարվածները, հայտարարել է, որ սրացման հանգեցնող գործողությունները հետաձգում են տարածաշրջանում հրադադարի հնարավորությունը։
«Իտալիան ակտիվորեն աշխատում է հրադադարի համաձայնագրի հասնելու ուղղությամբ, մենք աջակցում ենք ամերիկյան առաջարկին։ Յուրաքանչյուր գործողություն, որը հանգեցնում է սրացման, կարող է հետաձգել հրադադարի հնարավորությունը», - լրագրողներին ասել է Տայանին՝ «Quotidiano Nazionale» թերթի կողմից հրապարակված տեսանյութում։
