Նեպալում մի շարք խոշոր սոցիալական ցանցերի արգելքից հետո տեղի ունեցած անկարգությունների մասնակիցները մտել են երկրի նախագահի նստավայր, հաղորդում է Khabarhub պորտալը։
«Բողոքի ակցիայի մասնակիցները մտել են նախագահական նստավայր», - ասվում է պորտալի հայտարարության մեջ։
Անցյալ շաբաթվա վերջին Նեպալի իշխանությունները արգելափակեցին մի շարք խոշոր սոցիալական ցանցեր, որոնք չէին գրանցվել Կապի և տեղեկատվական տեխնոլոգիաների նախարարությունում սահմանված ժամկետում։
Դրա պատճառով երկրում սկսվեցին երիտասարդների զանգվածային բողոքի ցույցեր, որոնք լրատվամիջոցներում անվանվեցին «Z սերնդի հեղափոխություն»։ Ոստիկանության հետ բախումների արդյունքում զոհվեց 19 ցուցարար, հարյուրավորները վիրավորվեցին։
