Նեպալի մայրաքաղաք Կատմանդուում ցուցարարների և ոստիկանության միջև բախումների հետևանքով զոհերի թիվը հասել է վեցի, հաղորդում է տեղական Kathmandu Post թերթը՝ հղում անելով բժիշկներին։
Նեպալի մայրաքաղաք Կատմանդուում երկուշաբթի օրը ոստիկանության և ցուցարարների միջև բախումների հետևանքով առնվազն մեկ մարդ զոհվել է, տասնյակները վիրավորվել են, այն բանից հետո, երբ իշխանությունները արգելել են մի քանի խոշոր սոցիալական ցանցերի մուտքը, հաղորդում է Kathmandu Post-ը։
Ըստ Kathmandu Post-ի՝ իրավիճակը սրվել է այն բանից հետո, երբ ցուցարարները մտել են Նեպալի խորհրդարանի շենք: Ի պատասխան՝ իրավապահ մարմինների աշխատակիցները կիրառել են ջրցան մեքենաներ, արցունքաբեր գազ և մարտական փամփուշտներ, ինչի հետևանքով ցուցարարների շրջանում վիրավորներ կան: Բացի այդ, մայրաքաղաքի իշխանությունները քաղաքի մի քանի շրջաններում պարետային ժամ են սահմանել:
«Երկուշաբթի օրը Նյու Բանեշվարում ցուցարարների և ոստիկանության միջև տեղի ունեցած բռնի բախումների հետևանքով զոհվածների թիվը հասել է վեցի», - գրում է թերթը։
Հրատարակության տվյալներով՝ ցուցարարները մահացել են բախումների ժամանակ ստացած վնասվածքներից։ Ինչպես հրապարակմանը հայտնել է բժիշկներից մեկը, կրծքավանդակի և գլխի հրազենային վերքերով ևս տասը ցուցարարներ գտնվում են հիվանդանոցում։
