Միլանի քաղաքապետ Ջուզեպպե Սալան սուգ է հայտարարել քաղաքում դիզայներ Ջորջիո Արմանիի հուղարկավորության օրը, հաղորդում է տեղական Il Giornale թերթը։Սգո արարողությունը նախատեսված է երկուշաբթի՝ սեպտեմբերի 8-ին։ Քաղաքապետը լեգենդար դիզայներին անվանել է իտալական նորաձևության մեծագույն ներկայացուցիչներից մեկը և նշել, որ Արմանին տաղանդավոր մարդ էր՝ բազմաթիվ հետաքրքրություններով՝ ունակ իր ստեղծագործությունները լցնելու «իր անհատականության խիստ և նրբագեղ ոճով»։
«Giorgio Armani S.p.A. Armani»-ի հիմնադիրը մահացել է սեպտեմբերի 4-ին՝ շրջապատված իր սիրելիներով։ Նա 91 տարեկան էր։Հրաժեշտի արարողությունը տեղի կունենա Միլանում սեպտեմբերի 6-ին և 7-ին, նրա հուղարկավորությունը հրապարակային չի լինի՝ մահացածի խնդրանքով։
Լրատվամիջոցների հաղորդմամբ՝ «Giorgio Armani» նորաձևության տան հիմնադրի կարողությունը, որը գնահատվում է 12 միլիարդ դոլար, կբաժանվի նրա հարազատների և անձնական օգնականի միջև։Պատճառն այն է, որ լեգենդար դիզայները ընտանիք և երեխաներ չունի։
