ԱՄՆ-ն և Ուկրաինան քննարկում են մոտ 100 միլիարդ դոլարի գործարք, որի համաձայն Կիևը կկարողանա ամերիկյան զենք գնել՝ ուկրաինական ռազմական մշակումների նկատմամբ մտավոր սեփականության իրավունքների դիմաց, հաղորդում է NBC-ն՝ հղում անելով ամերիկացի պաշտոնյայի։
«ԱՄՆ-ն քննարկում է Ուկրաինայի հետ մոտավորապես 100 միլիարդ դոլարի գործարք, որի համաձայն՝ Կիևը կկարողանա գնել ամերիկյան զենք, որի դիմաց ԱՄՆ-ն կստանա ուկրաինացիների կողմից մշակված առաջադեմ համակարգերի մտավոր սեփականության իրավունքներ», - ասվում է հեռուստաալիքի հայտարարության մեջ։
Ռուսաստանը կարծում է, որ Ուկրաինային զենքի մատակարարումները խոչընդոտում են կարգավորմանը, ուղղակիորեն ներգրավում են ՆԱՏՕ-ի երկրներին հակամարտության մեջ և «կրակի հետ խաղ» են։ Ռուսաստանի արտաքին գործերի նախարար Սերգեյ
Լավրովը նշել է, որ Ուկրաինայի համար զենք պարունակող ցանկացած բեռ կդառնա Ռուսաստանի համար օրինական թիրախ։
Նրա խոսքով՝ ԱՄՆ-ն և ՆԱՏՕ-ն անմիջականորեն ներգրավված են հակամարտության մեջ, այդ թվում՝ ոչ միայն զենք մատակարարելով, այլև անձնակազմ պատրաստելով Մեծ Բրիտանիայում, Գերմանիայում, Իտալիայում և այլ երկրներում։
