Իրանի պատվիրակության և Ատոմային էներգիայի միջազգային գործակալության (ԱԷՄԳ) ներկայացուցիչների հաջորդ հանդիպումը տեղի կունենա ուրբաթ՝ սեպտեմբերի 5-ին, Վիեննայում, հայտարարել է Վիեննայում գտնվող միջազգային կազմակերպություններում Իրանի մշտական ներկայացուցիչ Ռեզա Նաջաֆին։
«Իրանական պատվիրակության և ԱԷՄԳ-ի ղեկավարության միջև բանակցությունների հաջորդ փուլը տեղի կունենա այսօր Վիեննայում», - Նաջաֆիի խոսքերն է մեջբերում IRIB գործակալությունը։
Վիեննայում Իրանի մշտական ներկայացուցչի խոսքով՝ այս բանակցությունները տեղի կունենան Իսլամական Հանրապետության և ԱԷՄԳ-ի միջև խորհրդակցությունների շարունակության շրջանակներում՝ Իրանի խորհրդարանի կողմից ԱԷՄԳ-ի վերաբերյալ ընդունված օրենքի շրջանակներում համագործակցությունը որոշելու համար, և կանցկացվեն փորձագիտական մակարդակով։
Իրանը և Միացյալ Նահանգները Օմանի միջնորդությամբ անցկացրել են Իրանի միջուկային ծրագրի շուրջ մոտիկից բանակցությունների հինգ փուլ, իսկ վեցերորդ փուլը պետք է տեղի ունենար հունիսի 15-ին, սակայն այն չկայացավ Իրանի և Իսրայելի միջև ռազմական հակամարտության բռնկման պատճառով։
