ԱՄՆ նախկին նախագահ Ջո Բայդենը ենթարկվել է մաշկի քաղցկեղի բջիջների հեռացման ևս մեկ վիրահատության, հաղորդում է NBC News-ը։
Բայդենը ենթարկվել է այսպես կոչված Մոսի վիրահատության, որն օգտագործվում է մաշկի քաղցկեղի ամենատարածված ձևերի բուժման համար, հեռուստաալիքին հայտնել է ԱՄՆ նախկին առաջնորդի մամուլի քարտուղարը։ Նշվում է, որ Բայդենը լավ է վերականգնվում վիրահատությունից հետո։
Հստակ չէ, թե երբ է նա ենթարկվել վիրահատության, բայց անցյալ ամիս հրապարակվել էին նրա լուսանկարները՝ գլխին մեծ կարով։
Մայիսի 18-ին Բայդենի գրասենյակը հայտարարեց, որ նրա մոտ ախտորոշվել է շագանակագեղձի քաղցկեղի ագրեսիվ ձև, որը մետաստազավորվել էր նրա ոսկորներին։ Նա վիրահատվել է 2023 թվականի մարտին՝ մաշկի չարորակ ուռուցքը հեռացնելու համար։
ԱՄՆ նախագահ Դոնալդ Թրամփը կասկած հայտնեց, որ Բայդենի ախտորոշումը միայն հիմա է հայտնի դառնում՝ ակնարկելով հնարավոր թաքցնելու մասին։ Միևնույն ժամանակ, նա աջակցության խոսքեր ասաց նախկին նախագահին։
