Անհայտ անձինք թալանել են Ադրիեն Դյուբուշեի անվան Ֆրանսիայի ազգային ճենապակու թանգարանը, գողոնը գնահատվում է 9,5 միլիոն եվրո, հինգշաբթի օրը հաղորդել է ici ռադիոկայանը։
«Ադրիեն Դյուբուշեի ազգային ճենապակու և կերամիկայի թանգարանը, հինգշաբթի երեկոյան անհավանական կողոպուտի թիրախ է դարձել։ Վնասը հատկապես տպավորիչ է՝ 9,5 միլիոն եվրո», - ասվում է հոդվածում։
Գողերը շենք են մտել պատուհանից, կոտրել ցուցափեղկերը և գողացել չինական ճենապակու ժամանակավոր ցուցահանդեսում ներկայացված առնվազն երեք ցուցանմուշ, հաղորդում է ici-ն։ Այնուհետև միացվել է տագնապը, սակայն, երբ ոստիկանությունը ժամանել է, հանցագործներն արդեն փախել էին, հաղորդում է ռադիոկայանը։
Ֆրանսիայի Լիմոժ քաղաքի քաղաքապետը, որտեղ գտնվում է թանգարանը, միջադեպն անվանել է «հարձակում քաղաքի և նրա ժառանգության վրա»։ Քաղաքապետարանի տվյալներով՝ դա «շատ կազմակերպված գողություն» էր, որը կատարվել է մասնագետների կողմից, ասվում է հոդվածում։
