Իրանի և Ատոմային էներգիայի միջազգային գործակալության (ԱԷՄԳ) ներկայացուցիչները արդեն անցկացրել են բանակցությունների երկու փուլ, սակայն արդյունքում որևէ որոշում չի կայացվել, հայտարարել է Իսլամական Հանրապետության արտաքին գործերի նախարարության ներկայացուցիչ Էսմայիլ Բաղային։
«Մինչ այժմ գործակալության գլխավոր տնօրենի տեղակալի մակարդակով անցկացվել է բանակցությունների երկու փուլ՝ Արտաքին գործերի նախարարության և Իրանի ատոմային էներգիայի կազմակերպության ներկայացուցիչների մասնակցությամբ, սակայն դեռևս կոնկրետ արդյունքներ չկան», - ասել է նա մամուլի ասուլիսի ժամանակ։
Բաղայիի խոսքով՝ Իրանի շփումները գործակալության հետ շարունակվում են, սակայն ներկայիս պայմաններում ԱԷՄԳ-ի հետ փոխգործակցության կանոնակարգերը դեռևս քննարկվում են, և գործակալության հետ բանակցությունները շարունակելու վերաբերյալ որոշում դեռևս չի կայացվել։
