Կոլումբիայի շրջանի դատավորը արգելափակել է Թրամփի վարչակազմի կողմից 76 միգրանտ երեխաների արտաքսումը, որոնք արդեն ինքնաթիռներով են տեղափոխվել Գվատեմալա, հաղորդում է CBS News-ը։
Նրա խոսքով՝ օգոստոսի 31-ին միգրանտ երեխաները արդեն ինքնաթիռներում էին, որոնք պատրաստվում էին թռիչք կատարել Տեխասի թռիչքուղուց։ Կոլումբիայի մայրաքաղաքային շրջանի դատավորը, իմանալով, որ գվատեմալացի երեխաները շուտով կարտաքսվեն երկրից, որոշում է կայացրել կասեցնել արտաքսումը։ Դատավոր Սփարքլ Սուկնանանի որոշումը արտաքսումը ժամանակավորապես կասեցնելու մասին ուժի մեջ կմնա երկու շաբաթ։
Այնուհետև դատավորը նամակ է գրել Արդարադատության նախարարությունում Թրամփի վարչակազմի փաստաբանին՝ խնդրելով նրան կառավարությանը տեղեկացնել իր որոշման մասին: Արդարադատության նախարարության խոսնակ Դրյու Էնսայնը հաստատել է, որ ինքնաթիռները պատրաստվում էին թռիչքի:
Նա ասել է, որ մեկ ինքնաթիռ թռիչք է կատարել, բայց ստիպված է եղել վերադառնալ:
Էնսայնը նաև ասել է, որ երեխաները կհեռացվեն չվերթներից և կհանձնվեն ԱՄՆ Առողջապահության և մարդկային ծառայությունների նախարարությանը: Երեխաների փաստաբանները հայտարարել են, որ Թրամփի վարչակազմը ցանկանում է ավելի քան 600 միգրանտ երեխաների արտաքսել Գվատեմալա, հաղորդում է հեռուստաալիքը:
