Լվովում սպանվել է հասարակական-քաղաքական գործիչ, Ուկրաինայի Գերագույն ռադայի նախկին նախագահ Անդրեյ Պարուբին։ Այդ մասին հայտնում են ուկրաինական լրատվամիջոցները։
«Այսօր, կեսօրին մոտ, 102 հեռախոսահամարով ահազանգ է ստացվել Լվովի Սիխով շրջանում կրակոցների մասին։ Ստացված վնասվածքների հետևանքով տուժողը տեղում մահացել է։ Պարզվել է, որ մահացածը հայտնի հասարակական և քաղաքական գործիչ է, ծնված 1971 թվականին», - հայտնել է Ուկրաինայի ոստիկանությունը։
Դեպքի հանգամանքները պարզվում են։
Անդրեյ Պարուբին ղեկավարել է խորհրդարանը 2016-2019 թվականներին, իսկ ավելի վաղ զբաղեցրել է Ազգային անվտանգության և պաշտպանության խորհրդի քարտուղարի պաշտոնը:
