ԱՄՆ փոխնախագահ Ջեյ Դի Վենսը հայտարարել է, որ պատրաստ է ստանձնել պետության ղեկավարի պաշտոնը, եթե Դոնալդ Թրամփը չկարողանա ավարտել իր նախագահական ժամկետը։
«Ես լիովին վստահ եմ, որ Միացյալ Նահանգների նախագահը լավ մարզավիճակում է, կծառայի իր ժամկետի ավարտին և մեծ բաներ կանի ամերիկյան ժողովրդի համար։ Եթե, Աստված մի արասցե, սարսափելի ողբերգություն տեղի ունենա, ես չեմ կարող պատկերացնել ավելի լավ փորձառություն, քան այն, ինչ ես ունեցել եմ վերջին 200 օրվա ընթացքում»,-ասել է նա USA Today-ին։
Ավելի վաղ Axios-ը հայտնել էր, որ Հանրապետական կուսակցության ներկայացուցիչները Վենսին դիտարկում են որպես 2028 թվականի ընտրություններում նախագահի թեկնածու։
