Լեհաստանը կարող է ինքնուրույն որոշել, թե որքանով բժշկական օգնություն կցուցաբերի ուկրաինացի փախստականներին, բայց իրավունք չունի նրանց բժշկական ծառայություններից լիովին հրաժարվելու։ Այս մասին Բրյուսելում կայացած ճեպազրույցի ժամանակ հայտարարել է Եվրահանձնաժողովի ներկայացուցիչ Թոմաս Ռեյնիերը։
«Ուկրաինացի փախստականների ժամանակավոր պաշտպանության միջոցառումների վերաբերյալ եվրոպական հրահանգը չի սահմանում առողջապահական ծառայություններին նվազագույն հասանելիության շեմ. որոշումը պետք է կայացնեն անդամ պետությունները», - ասել է Ռենիեն՝ պատասխանելով ուկրաինացի լրագրողների հարցին՝ Լեհաստանի կողմից գործազուրկ ուկրաինացիների համար առողջապահական համակարգ մուտքը սահմանափակելու ծրագրերի մասին։
Հարցին, թե արդյոք ընդունելի է չաշխատող մարդկանց առողջապահական ծառայություններից լիովին հրաժարվելը, նա պատասխանել է.
«Առողջապահությունը պետք է տրամադրվի, բայց թե որքանով՝ դա պետք է որոշեն ԵՄ երկրները»։
Ռեյնիերը նաև նշել է, որ Եվրահանձնաժողովը ամռան սկզբին ԵՄ երկրներին տրամադրել է 3 միլիարդ եվրո՝ ուկրաինացի փախստականներին հիմնական սոցիալական ծառայություններ մատուցելու համար։
