Ուկրաինայի փոխարտգործնախարար Սերգեյ Կիսլիցան NBC News-ին տված հարցազրույցում հայտարարել է, որ Ուկրաինայի նախագահ Վլադիմիր Զելենսկին պատրաստ է տարածքային հարցեր քննարկել միայն Ռուսաստանի նախագահ Վլադիմիր Պուտինի հետ հանդիպման ժամանակ։
«Երբ մենք խոսեցինք տարածքային հարցերի մասին, կարծում եմ՝ նախագահ Զելենսկին հստակեցրեց, որ պատրաստ է նստել նախագահ Պուտինի հետ և քննարկել դրանք, և տարածքային հարցի շուրջ զրույցների սկիզբը շփման գիծն է, որն այժմ կա», - ասել է նա։
Երկուշաբթի օրը ԱՄՆ նախագահ Դոնալդ Թրամփը Սպիտակ տանը հյուրընկալեց Կիևի ռեժիմի ղեկավարին և ԵՄ առաջնորդներին։ Բանակցություններից հետո Զելենսկին հայտարարեց, որ տարածքային հարցը կլուծվի Մոսկվայի և Կիևի միջև, սակայն հանդիպման ճշգրիտ ամսաթիվ դեռևս չկա։
Ուրբաթ օրը Ռուսաստանի արտաքին գործերի նախարար Սերգեյ Լավրովը հայտարարեց, որ Պուտինի և Զելենսկու միջև հանդիպում նախատեսված չէ, բայց Ռուսաստանի առաջնորդը պատրաստ է հանդիպել նրա հետ, երբ գագաթնաժողովի օրակարգը պատրաստ լինի։
