Աննա Հակոբյանը լուսանկարներ է հրապարակել ու կից գրել․ «Արձակուրդում էի, եւ այս անգամ այն լիարժեք ստացվեց՝ ոչ մի գրառում, ոչ մի լուսանկար, ոչ մի տեսանյութ։ Բայց ես գիրք կարդում եմ միշտ, կարդացել եմ միշտ։ Կարդում էի, երբ ուսանող էի։ Կարդում էի, երբ հղի էի։ Կարդում էի, երբ նորածին ունեի, եւ երբ երեխաները արդեն մեծ էին։
Կարդում եմ, երբ լավ տրամադրություն ունեմ։ Կարդում եմ, երբ վատ տրամադրություն ունեմ։ Մի խոսքով՝ միշտ։ Թերեւս կյանքի միակ փուլը, երբ չեմ կարդացել, կամ կարդացել եմ (նաեւ՝ խմբագրել եմ) միայն հոդվածներ, եղել է 2008-2012 թվականներին։ Բնականաբար՝ կարդում էի նաեւ այս արձակուրդի ողջ ընթացքում։
Իսկ ինչո՞ւ եմ հիմա այս մասին գրում եւ լուսանկարներ հրապարակում: Որովհետեւ այսօր անհրաժեշտ է, որ յուրաքանչյուրս գովազդենք, բարձր հայտարարենք մեր կարդալը, ասել է թե՝ կրթվելը։Որովհետեւ այսօր՝ Կրթվելը նորաձեւ է։Ուստի նաեւ՝ Կրթվելը նորաձեւ է արձակուրդի ժամանակ։
