ԵՄ դեսպան Պավել Գերչինսկին հայտարարել է, որ Վրաստանի և ԵՄ-ի հարաբերությունները գտնվում են պատմական ցածր մակարդակի վրա, երկրի եվրաինտեգրման գործընթացը կասեցված է։ Նա կրկին հայտարարել է, որ ԵՄ առաջնորդները հասկացրել են՝ իրադարձությունների նման զարգացումը Վրաստանի իշխանությունների գործողությունների արդյունքն է, հաղորդում է SOVA-ն։
Գերչինսկին, կոչ անելով Վրաստանի քաղաքացիներին հոկտեմբերի 26-ին գնալ քվեարկության, ընդգծել է, որ ամեն ինչ հենց քաղաքացիների ձեռքերում է։ «Եվրամիությունը բարձրաձայն և հստակ ասել է, որ անցյալ տարվա դեկտեմբերին մենք որոշեցինք բացել դուռը Վրաստանի համար, մենք սպասում ենք ձեզ, բայց դուք պետք է անցնեք այդ դռնով, ոչ ոք չի անի դա ձեր փոխարեն։ Դա ձեր ընտրությունն է»,- ասել է դեսպանը։
