ԱՄՆ նախագահ Դոնալդ Թրամփը իր ռուս գործընկեր Վլադիմիր Պուտինին է փոխանցել կնոջ՝ Մելանյայի նամակը Ալյասկայում կայացած հանդիպման ժամանակ, հաղորդում է Reuters-ը՝ հղում անելով Սպիտակ տան երկու անանուն պաշտոնյաների։
Նրանք չեն տրամադրել հաղորդագրության բովանդակությունը՝ նշելով միայն, որ այն վերաբերում է Ուկրաինայում հակամարտության ժամանակ ենթադրաբար առևանգված երեխաների ճակատագրին: Ինչպես նշում է գործակալությունը, Մելանյա Թրամփը չի ուղեկցել ամուսնուն Անքորիջ կատարած ուղևորության ժամանակ, որտեղ երկու առաջնորդները հանդիպել են ուրբաթ օրը:
Ռուսաստանը բազմիցս հերքել է Կիևի և արևմտյան երկրների պնդումները, որ Մոսկվան, իբր, անչափահասների է առևանգում Ուկրաինայում ռազմական գործողությունների տարածքից: Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովայի խոսքով՝ ռուսական կողմի ջանքերն ուղղված են երեխաներին փրկելուն, այլ ոչ թե առևանգմանը կամ արտաքսմանը նխաստելուն, ինչպես պնդում է Կիևի ռեժիմը:
