Ռուսաստանի նախագահ Վլադիմիր Պուտինի հատուկ չվերթը մտել է ԱՄՆ օդային տարածք , որին հետևել է ավելի քան 146,000 մարդ, ըստ Flightradar ծառայության տվյալների ։
Ռուսաստանի նախագահի մամուլի քարտուղար Դմիտրի Պեսկովը հայտնել է, որ Պուտինին տեղափոխող ինքնաթիռը պետք է վայրէջք կատարի Անքորիջում տեղական ժամանակով ճիշտ ժամը 11:00-ին (Մոսկվայի ժամանակով ժամը 22:00-ին): Օդանավակայանում նրան անձամբ կդիմավորի ԱՄՆ նախագահ Դոնալդ Թրամփը։
Հիշեցնենք, որ օգոստոսի 15-ին Ալյասկայում սպասվում է ԱՄՆ նախագահ Դոնալդ Թրամփի և ՌԴ նախագահ Վլադիմիր Պուտինի հանդիպումը։ Ռուսաստանից հայտնել են, որ հանդիպումը կսկսվի Մոսկվայի ժամանակով 22:30-ին (Երևանի ժամանակով՝ 23։30-ին)։ Ամերիկյան կողմը հայտնել է, որ հանդիպումը կսկսվի տեղական ժամանակով 11։00-ին (Երևանի ժամանակով՝ 23։00-ին)։ ՌԴ նախագահի օգնական Յուրի Ուշակովը հայտնել է, որ Պուտինը և Թրամփը նախ կանցկացնեն դեմ առ դեմ հանդիպում, այնուհետև՝ 5-ական անդամից բաղկացած պատվիրակությունների մասնակցությամբ։ Դրանից հետո երկու նախագահները մամուլի ասուլիսում կներկայացնեն բանակցությունների արդյունքները։ Հանդիպման առանցքային թեման լինելու է ռուս-ուկրաինական հակամարտության կարգավորումը։
Թարգմանությունը՝ Euromedia24.com-ի
