Իտալիայում 100 կգ-ից ավելի քաշ ունեցող կինն պատահաբար ընկել է իր ընկերոջ վրա։ Չնայած բժիշկների ջանքերին՝ նրան փրկել չի հաջողվել, գրում է Daily Star-ը։
Պատահարը տեղի է ունեցել վաղ առավոտյան Կամպանյա շրջանում։ Տեղական լրատվամիջոցների տվյալներով՝ կինը, որի քաշը գերազանցում է 100 կգ-ը, անկողնուց վեր կենալիս սայթաքել է և ընկել է գետնին պառկած տղամարդու վրա։ Ընկնելու արդյունքում նա սեղմվել է մահճակալի և պատի միջև՝ լինելով տղամարդու վրա։
Կնոջ վախեցած գոռոցները լսել են հարևանները, որոնք շտապել են օգնության։ Նրանց խոսքերով՝ պահանջվել է հինգ մարդ, որպեսզի կարողանան նրան բարձրացնել։ Երբ հրշեջներն ու շտապօգնությունը ժամանել են դեպքի վայր, տղամարդը արդեն անգիտակից էր։ Բժիշկների բոլոր փորձերն անօգուտ են եղել։
Ոստիկանությունը հետաքննություն է անցկացրել և բռնության հետքեր չի հայտնաբերել՝ պատահարը որակելով որպես «պատահական շնչահեղձություն»։
Հայտնի է, որ կնոջը առաջարկվել է հոգեբանական աջակցություն։ Զույգը միասին էր ապրում, թեև օրինական ամուսնության մեջ չէին։
Թարգմանությունը՝ Euromedia24.com-ի
