Մասնագետները նշել են հինգ եղանակ, որոնք կօգնեն երեխաներին ավելի լիարժեք պատասխանել հարցերին և զարգացնել հետաքրքրասիրությունը: Կրթության մասնագետները կարծում են, որ իմաստալից երկխոսություն վարելու և հարցեր տալու ունակությունը հմտություն է, որը ձևավորվում է մանկության տարիներին և կարող է ազդել նրանց կյանքի մնացած մասի վրա: Այս մասին հաղորդում է The Conversation-ը:
Իրավիճակը ծանոթ է շատ ծնողների. դպրոցից հետո՝ ստանդարտ երկխոսություն: «Ինչպե՞ս անցավ օրը»: - «Լավ»: «Ի՞նչ նոր բաներ սովորեցիր»: - «Ոչինչ»: Դասարաններում ուսուցիչները բախվում են նույն բանին. երեխաները կարճ են պատասխանում ուսուցիչների հարցերին կամ լռում են, նույնիսկ եթե նրանց մտածելու ժամանակ է տրվում: Միևնույն ժամանակ, աշակերտներն իրենք հաճախ ամաչում են պարզաբանել անհասկանալիը կամ բարձրաձայն խոսել իրենց դասընկերների առջև:
Մասնագետների կարծիքով, հարցերից խուսափելու սովորությունը կարող է տարիներ շարունակ արմատավորվել: Երեխաները, ովքեր վախենում են հետաքրքրություն ցուցաբերել, ռիսկի են դիմում նույն վախը զգալ մեծահասակ տարիքում՝ չխոստովանել, որ ինչ-որ բան չգիտեն և այդպիսով մնալ անտեղյակ: Սա ազդում է ինչպես անձնական, այնպես էլ մասնագիտական հմտությունների վրա, քանի որ հարցեր տալու ունակությունը ուղղակիորեն կապված է քննադատական մտածողության և տեղեկացված որոշումներ կայացնելու ունակության հետ:
Կրթության հետազոտողները նշում են, որ իրավիճակը անհույս չէ: Ծնողները և ուսուցիչները կարող են օգնել զարգացնել երեխայի վստահությունը և հետաքրքրությունը երկխոսության նկատմամբ՝ փոխելով հաղորդակցման մոտեցումը: Կարևոր է անկեղծ հետաքրքրություն ցուցաբերել երեխայի ասածի նկատմամբ և չսահմանափակվել միայն ձևական արտահայտություններով: Հատկապես կարևոր է ակտիվ լսելը, երբ մեծահասակը չի ընդհատում, պարզաբանում է մանրամասները և ցույց է տալիս, որ լսում և հասկանում է ասվածը։
Մասնագետները ընդգծում են. երեխաները ծնվում են սովորելու բնական ցանկությամբ, բայց այդ հետաքրքրությունը կարող է հեշտությամբ մարել անտարբերության կամ նրանց հարցերին տրված միավանկ պատասխանների պատճառով: Հետաքրքրասիրությունը խթանելով և երեխայի վախերն ու կասկածները հարգելով՝ մեծահասակները օգնում են նրանց զարգացնել մի հմտություն, որը օգտակար կլինի ողջ կյանքի ընթացքում՝ հարցեր տալու և դրանց պատասխանները փնտրելու ունակությունը:
Թարգմանությունը՝ Euromedia24.com-ի
