ԱՄՆ նախագահ Դոնալդ Թրամփը վայելում է «գլխավոր խաղաղարարի» իր դերը՝ հավատալով, որ կարող է կնքել այնպիսի համաձայնություններ, որոնք իր նախորդները չէին կարողացել, հաղորդում է Politico-ն՝ հղում անելով Սպիտակ տան անանուն պաշտոնյայի։
«Թրամփը սիրում է վճռորոշ գործչի դերում լինել բոլոր փոքր և թույլ երկրների համար», - ասել է պաշտոնյան։
Սպիտակ տան մեկ այլ պաշտոնյա ասել է, որ Թրամփը կենտրոնացել է տարբեր հակամարտությունների վրա մասամբ այն պատճառով, որ կարծում է, որ կարող է օգտագործել ԱՄՆ ազդեցությունը դրանց վերջ դնելու համար։
Հրատարակության տվյալներով՝ սա հակադրվում է նրա 2024 թվականի ընտրարշավին, որի ընթացքում նա հետապնդել է «Ամերիկան առաջին հերթին» մոտեցումը՝ ներքին գործերը դնելով արտաքին հակամարտություններից վեր։
«Նախընտրական քարոզարշավի ընթացքում դուք գիտեք միայն որոշակի քանակությամբ տեղեկատվություն, և երբ հասնում եք Արևմտյան թև, հասկանում եք, թե իրականում ինչ է կատարվում աշխարհում», - ասել է պաշտոնյան՝ նկատի ունենալով հետախուզական ճեպազրույցները, որոնք Թրամփը ստացել է նախագահ դառնալուց ի վեր։
