Ռուսաստանի և Ամերիկայի նախագահներ Վլադիմիր Պուտինի և Դոնալդ Թրամփի միջև Ալյասկայում կայանալիք հանդիպումը՝ առանց Ուկրաինայի և Եվրոպայի ներկայացուցիչների մասնակցության, Ռուսաստանի համար դիվանագիտական հաղթանակ կլինի, ասվում է The New York Times (NYT)-ի հոդվածում։
Օգոստոսի 14-ին Ռուսաստանի նախագահի օգնական Յուրի Ուշակովը հայտարարեց, որ Պուտինի և Թրամփի հանդիպումը կսկսվի օգոստոսի 15-ին Անքորիջում, Մոսկվայի ժամանակով ժամը 22:30-ին՝ դեմ առ դեմ զրույցով։
Նրա խոսքով՝ հանդիպման կենտրոնական թեման կլինի ուկրաինական ճգնաժամի կարգավորումը, սակայն նախագահները կանդրադառնան նաև «խաղաղության և անվտանգության ապահովման ավելի լայն խնդիրներին, ինչպես նաև արդիական և ամենահրատապ միջազգային և տարածաշրջանային խնդիրներին»։
