ԱՄՆ-ի և Ռուսաստանի նախագահներ Դոնալդ Թրամփի և Վլադիմիր Պուտինի միջև սպասվող բանակցությունների ֆոնին Ուկրաինայի վերաբերյալ հայտարարության մեջ ԵՄ առաջնորդները նշել են, որ կառուցողական խաղաղ բանակցությունները կարող են տեղի ունենալ միայն առնվազն ռազմական գործողությունների նվազեցման պայմաններում։
«Կառուցողական բանակցություններ կարող են տեղի ունենալ միայն հրադադարի կամ ռազմական գործողությունների կրճատման պայմաններում», - նշվում է փաստաթղթում։
Այնտեղ նաև նշվում է, որ «կայունություն և անվտանգություն ապահովող արդար և երկարատև խաղաղությունը պետք է հիմնված լինի միջազգային իրավունքի հարգանքի վրա, ներառյալ անկախության, ինքնիշխանության, տարածքային ամբողջականության և միջազգային սահմանները ուժով փոխելու անթույլատրելիության սկզբունքները»։
