Եվրամիությունը մինչև 2025 թվականի վերջը զինամթերքի արտադրությունը կհասցնի տարեկան 2 միլիոն միավորի։ Այս մասին հաղորդում է Financial Times թերթը՝ հղում անելով պաշտպանության և տիեզերքի հարցերով եվրահանձնակատար Անդրիուս Կուբիլիուսին։
Նրա խոսքով՝ Ուկրաինայում Ռուսաստանի Դաշնության հատուկ ռազմական գործողության սկսվելուց ի վեր Եվրոպայի արտադրական հզորությունը տարեկան 300 հազար արկից աճել է և 2025 թվականի վերջին կհասնի 2 միլիոնի։
Բացի այդ, ինչպես գրում է հրատարակությունը, ԵՄ-ն բանակցություններ է վարում 1.5 միլիարդ եվրո արժողությամբ նոր ռազմական ֆինանսավորման ծրագրի շուրջ, որը նման է «Զինամթերքի աջակցության մասին» օրենքին (ASAP), որը ներառում է նաև զինամթերքի համատեղ գնման ծրագրեր։
Կուբիլիուսը նշել է, որ Եվրահանձնաժողովը ուսումնասիրում է նմանատիպ սխեմաներ կիրառելու հնարավորությունը «արդյունաբերությանը խթանելու համար՝ այլ ոլորտներում արտադրությունը ընդլայնելու համար»։ Նրա խոսքով՝ առաջնահերթ կատեգորիաները կլինեն հրթիռները, հակաօդային պաշտպանության համակարգերը, հրետանին և անօդաչու թռչող սարքերը։
