ԱՄՆ-ի, Հայաստանի և Ադրբեջանի համաձայնագիրն աշխարհաքաղաքական աղետ է Վրաստանի համար․ Սաակաշվիլի

10.08.2025 12:43 | Կատեգորիա Քաղաքական

Վրաստանի համար տեղի է ունեցել վատթարագույն աշխարհաքաղաքական աղետը։ Այս մասին սոցցանցերում գրել է Վրաստանի նախկին նախագահ Միխեիլ Սաակաշվիլին։

«Իմ օրոք Վրաստանի բարգավաճումը հիմնված էր տարանցիկ դերի վրա, որը մենք առաջին անգամ ձեռք բերեցինք Շևարդնաձեի ժամանակներում և խորացրինք իմ օրոք, զբոսաշրջության և մեր՝ ժողովրդավարության կարգավիճակի վրա, ինչը մեզ հատկապես գրավիչ դարձրեց ներդրումների համար։

Դրան նպաստում էին նաև իմ օրոք հաստատված լայն միջազգային կապերը և սրընթաց եվրաատլանտյան ինտեգրման մեկնարկը։ Այս չորս գործոններն ապահովեցին մեր անվտանգությունը, պաշտպանեցին մեր տարանցիկ դերը և հատկապես մեր ժողովրդավարական համակարգը. 2008 թվականին Բուշն ուղարկեց 6-րդ նավատորմը։

Իվանիշվիլին ոչնչացրեց վրացական ժողովրդավարությունը, մեկուսացրեց Վրաստանին իր գլխավոր դաշնակիցներից, և այժմ այս ամենի պատճառով մենք կորցնում ենք մեր տարանցիկ հանգույցի դերը։

Այսօր ԱՄՆ-Ադրբեջան-Հայաստան միջազգային պայմանագրի ստորագրումը, որի համաձայն ԱՄՆ-ն 100 տարով վարձակալում է Զանգեզուրի միջանցքը, բացում է Եվրոպայից Չինաստան տանող նոր տարանցիկ միջանցք՝ այս անգամ շրջանցելով Վրաստանը, Իրանը և Ռուսաստանը։

Այո՛, հենց Իրանի և Ռուսաստանի հետ միասին մենք հայտնվում ենք լիակատար աշխարհաքաղաքական մեկուսացման մեջ։ Սա նշանակում է, որ Երկաթե վարագույրն իջնում է Կարմիր կամրջի վրա, և մենք անդունդն ենք գլորվում Մոսկվայի և Թեհրանի հետ միասին։

Վրաստանի միակ հեռանկարը դառնում է բնակչության էլ ավելի արագ արտագաղթը և աղքատությունը։ Ահա թե ուր հասցրեց մեզ Ամերիկայի և Եվրոպայի հետ ռազմավարական դաշինքի խզումը։

Ճակատագրի հեգնանքով, այս ամենը տեղի ունեցավ օգոստոսյան պատերազմի տարելիցին»,- նշել է Սաակաշվիլին։

Ամենաշատ կարդացվածներ

Զելենսկին կոշտ հայտարարություն է արել Թրամփի մասին. Ըստ Փաշինյանի՝ Եկեղեցին պետք է հարկ վճարի (տեսանյութ)

21.04.2026 20:40 | Կատեգորիա Մամուլ

Սամվել Կարապետյանը միակն է, ով չունի պատասխանատվություն ՀՀ-ում կատարված դեպքերի համար. Կարապետյան (տեսանյութ)

21.04.2026 20:53 | Կատեգորիա Քաղաքական

Մալխաս Ամոյանը դարձավ Եվրոպայի հնգակի չեմպիոն

21.04.2026 21:55 | Կատեգորիա Սպորտ

Նոր Արեշի տներից մեկում հայտնաբերվել է օտարերկրացու դի

21.04.2026 22:11 | Կատեգորիա Պատահարներ

Սպանվել է TikTok-յան 17-ամյա աստղը

21.04.2026 23:08 | Կատեգորիա Համաշխարհային

Հրդեհ՝ ավտոմեքենայում, Ծեծկռտուք՝ դպրոցում․ քրեական նորություններ (տեսանյութ)

21.04.2026 21:21 | Կատեգորիա Պատահարներ

Թուլացնելով Եկեղեցին՝ իշխանությունը գիտակցված հայաթափում է ոչ միայն հողը, այլև՝ հայի հոգին

21.04.2026 21:45 | Կատեգորիա Մտքեր

Մի կայծ՝ մեծ պայթյուն․ Հորմուզում սկսվել է վտանգավոր խաղ առանց կանոնների (տեսանյութ)

21.04.2026 18:44 | Կատեգորիա Համաշխարհային

Նիդեռլանդները կփորձի վերանայել Իսրայելի հետ առևտրային համաձայնագիրը ԵՄ-ում

21.04.2026 14:58 | Կատեգորիա Համաշխարհային

ՈՒՂԻՂ