Թաիլանդի բանակը մեղադրել է Կամբոջային հրադադարի ռեժիմը խախտելու մեջ, հաղորդում է Agence France-Presse-ը՝ հղում անելով Թաիլանդի բանակի խոսնակին։
«Զինադադարի մասին հայտարարությունից հետո հաղորդագրություններ ստացվեցին Ֆու Մակուա տարածքում կամբոջական կողմի կողմից հրահրված անկարգությունների մասին, որոնք հանգեցրին երկու կողմերի միջև փոխհրաձգության, որը շարունակվեց մինչև այսօր առավոտ», – AFP-ն մեջբերում է բանակի խոսնակ Ռիչ Սուկսուվանոնի խոսքերը։
Ավելի վաղ Մալայզիայի վարչապետ Անվար Իբրահիմը հայտարարել էր ասիական երկրների միջև հրադադարի մասին՝ Թաիլանդի վարչապետի պաշտոնակատար Ֆումտհամ Վեչայաչայի և Կամբոջայի վարչապետ Խուն Մանեթի միջև Կուալա Լումպուրում կայացած բանակցություններից հետո։
Թաիլանդի և Կամբոջայի սահմանային գոտում հրադադարը ուժի մեջ է մտել երկուշաբթի՝ հուլիսի 28-ին՝ հինգօրյա ռազմական բախումներից հետո։
