Չինաստանը դեմ է միակողմանի պատժամիջոցներին, որոնք չեն ստացել ՄԱԿ-ի Անվտանգության խորհրդի հավանությունը, և կոչ է անում ուկրաինական կողմին շտկել իր սխալ քաղաքականությունը։ Այս մասին ճեպազրույցի ժամանակ հայտարարել է Չինաստանի արտաքին գործերի նախարարության պաշտոնական ներկայացուցիչ Գո Ցզյակունը՝ մեկնաբանելով Կիևի կողմից մի շարք չինական ընկերությունների նկատմամբ սահմանափակումներ կիրառելու որոշումը։
«Չինաստանը միշտ դեմ է եղել միակողմանի պատժամիջոցներին, որոնք չեն ստացել ՄԱԿ-ի Անվտանգության խորհրդի հավանությունը, և կոչ է անում Ուկրաինային շտկել իր սխալ քաղաքականությունը՝ բացասական հետևանքներից խուսափելու համար», - նշել է
Չինաստանի արտաքին գործերի նախարարության պաշտոնական ներկայացուցիչը։
Դիվանագետը նաև ընդգծել է, որ Չինաստանը «կշարունակի վճռականորեն պաշտպանել իր ընկերությունների օրինական իրավունքներն ու շահերը»։
