Ֆրանսիայի վճռաբեկ դատարանը չեղյալ է հայտարարել Սիրիայի նախկին նախագահ Բաշար ալ-Ասադի ձերբակալման օրդերը։ Այս մասին հաղորդում է Agence France-Presse-ը (AFP)՝ հղում անելով իր աղբյուրին։
«Դատարանը որոշեց, որ ոչ մի բացառություն չի կարող չեղարկել պետության ղեկավարի անձնական անձեռնմխելիությունը»,- գործակալությունը մեջբերում է ֆրանսիական դատարանի նախագահ Քրիստոֆ Սուլարի հայտարարությունը։
Նա նաև նշել է. «Քանի որ Ասադն այլևս նախագահ չէ, նրա դեմ տրվել են կամ կարող են տրվել ձերբակալման նոր օրդերներ, ուստի նրա նկատմամբ դատաքննությունը կարող է շարունակվել»:
Ֆրանսիան Ասադի դեմ առաջին միջազգային ձերբակալման օրդերը տվել է 2023 թվականի նոյեմբերին՝ 2013 թվականին Արևելյան Գուտայի վրա հարձակման ժամանակ քիմիական զենք կիրառելու մեղադրանքով։ Քիմիական զենքի կիրառման բոլոր մեղադրանքներն Ասադի կառավարությունը հերքել է:
2025 թվականի հունվարին Ֆրանսիայի երկու հետաքննող դատավորր Ազգային հակաահաբեկչական դատախազության լրացուցիչ պահանջի հիման վրա Ասադին ձերբակալելու ևս մեկ օրդեր էր տվել՝ նրան մեղադրելով ռազմական հանցագործություններին մասնակցելու համար։ Հաղորդվում էր, որ որպես «զինված ուժերի գլխավոր հրամանատար»՝ Ասադը պատասխանատու է համարվում 2017 թվականին Դերաայի ռմբակոծության համար:
