Սաուդյան Արաբիան ողջունում է Ֆրանսիայի «պատմական» մտադրությունը՝ ճանաչելու Պաղեստին պետությունը և կոչ է անում մյուս երկրներին անել նույնը, ասվում է թագավորության արտաքին գործերի նախարարության կողմից սոցիալական ցանցերում հրապարակված հայտարարության մեջ։
Հինգշաբթի օրը Ֆրանսիայի նախագահ Էմանուել Մակրոնը հայտարարեց, որ Ֆրանսիան պաշտոնապես կճանաչի Պաղեստին պետությունը սեպտեմբերին ՄԱԿ-ի Գլխավոր ասամբլեայում։«Թագավորությունը ողջունում է այս պատմական որոշումը, որը վերահաստատում է միջազգային հանրության կոնսենսուսը պաղեստինցի ժողովրդի ինքնորոշման իրավունքի վերաբերյալ։
Թագավորությունը կրկին կոչ է անում բոլոր այն երկրներին, որոնք դեռևս չեն ճանաչել Պաղեստինի պետությունը, ձեռնարկել նմանատիպ դրական քայլեր», – ասվում է նախարարության հայտարարության մեջ։
