ԱԺ «Պատիվ ունեմ» խմբակցության քարտուղար Տիգրան Աբրահամյանի ֆեյսբուքյան գրառումը․
«Մեր ընկեր Արմեն Աշոտյանի ծննդյան օրն է` 50-ամյակը, մի մարդու, ով գործող կառավարչի քաղաքական և քարոզչական հարձակումների ու ազատությունից զրկվելու պայմաններում շարունակում է դիմադրել և պայքարել:Արմենը 15-ամսյա բանտային կալանքից հետո, արդեն 11 ամիս է` տնային կալանքի ռեժիմում է` մեծ թվով սահմանափակումների և ազատ տեղաշարժի բացակայության պայմաններում:
Բայց այսօր էլ Արմենն անում է առավելագույնը` ստեղծված իրողությունների պայմաններում, իր խոսքը հանրության հասցնելու և իշխանության դեմ դիմակայությունում իր հաստատուն տեղն ունենալու գործում:
Որպես Արմենի ընկեր ուզում եմ շնորհակալություն հայտնել բոլոր այն անձանց, ովքեր այս 26 ամիսների ընթացքում սատարել են Արմենին և իր ընտանիքին` նրան հրապարակային անդրադարձ կատարելուց մինչև այցի գնալով` յուրաքանչյուրն իր ձևով:Արմեն ջան, ջերմ շնորհավորանքներս»:
