WhatsApp-ը փորձարկում է նոր գործառույթ, որը թույլ կտա օգտատերերին հիշեցումներ սահմանել որոշակի հաղորդագրությունների համար: Այս նորարարությունը նախատեսված է նրանց օգնելու համար, ովքեր հաճախ կարդում են հաղորդագրություններ, հետաձգում են պատասխանելու գործընթացը և, ի վերջո, մոռանում դրանց մասին: Այս մասին տեղեկատվությունը հայտնաբերվել է WABetaInfo (WBI) պորտալի կողմից Android հավելվածի վերջին բետա տարբերակում:
Տվյալների համաձայն, հիշեցում սահմանելու համար անհրաժեշտ է երկար սեղմել հաղորդագրության վրա, որից հետո ցանկում կհայտնվի «Հիշեցնել ինձ» տարբերակը: Օգտատերերը կկարողանան ընտրել նախապես սահմանված ժամանակային միջակայքերից մեկը՝ 2, 8 կամ 24 ժամ, կամ սահմանել իրենց սեփական ժամանակը:
Կարգավորելուց հետո հաղորդագրության անկյունում կհայտնվի փոքրիկ զանգակի պատկերակ, որը տեսողականորեն կնշի այն նամակագրության մեջ: Երբ սահմանված ժամանակը լրանա, WhatsApp-ը օգտատիրոջը կուղարկի «Հիշեցում» նշումով ծանուցում, որը պարունակում է սկզբնական հաղորդագրության տեքստը և զրույցի մասին տեղեկատվություն:
Բացի այդ, WABetaInfo-ն հաղորդում է, որ մեսենջերը փորձարկում է ևս մեկ օգտակար գործառույթ: Այն պարբերաբար կուղարկի չընթերցված հաղորդագրությունների մասին ծանուցումներ այն կոնտակտներից, որոնց հետ օգտատերը ամենից հաճախ են շփվում: Սա կօգնի բաց չթողնել կարևոր երկխոսությունները բազմաթիվ նամակագրության հոսքում։
Ինչպես բետա թեստավորման փուլում գտնվող մյուս գործառույթների դեպքում, նոր տարբերակի պաշտոնական մեկնարկի ճշգրիտ ամսաթիվը դեռևս անհայտ է։
Թարգմանությունը՝ Euromedia24.com-ի
