Իսրայելական կողմը միջնորդների միջոցով պատասխան է ստացել պաղեստինյան ՀԱՄԱՍ շարժումից՝ Գազայի հատվածում հնարավոր հրադադարի շուրջ հետագա բանակցությունների վերաբերյալ, հայտնել է վարչապետ Բենիամին Նեթանյահուի գրասենյակը։
«Միջնորդները ՀԱՄԱՍ-ի պատասխանը փոխանցել են իսրայելական պատվիրակությանը։ Այն ներկայումս ուշադիր ուսումնասիրվում է», - նշել են գրասենյակում։
Բանակցություններին մասնակցած իսրայելցի պաշտոնյան պետական «Կան» հեռուստաընկերությանը հայտնել է, որ ՀԱՄԱՍ-ի նոր արձագանքը «ավելի դրական» է թվում, քան նախորդը։
Ավելի վաղ «Ալ Հադաթ» հեռուստաալիքը պնդում էր, որ միջնորդներին հանձնված փաստաթղթում պահանջ է պարունակվում «իսրայելական զորքերը դուրս բերելու Ֆիլադելֆիայի միջանցքից 1,2 կմ հեռավորության վրա» Գազայի հարավում։
