Հյուսիսային Կորեայի առաջնորդ Կիմ Չեն Ընը հուլիսի 23-ին դիտել է Կորեական ժողովրդական բանակի (KPA) խոշոր կազմավորումների ստորաբաժանումների միջև հրետանային կրակոցների վարժական մրցույթ՝ Կորեական պատերազմի (1950-1953) ավարտի տարեդարձի նախօրեին, հաղորդում է Կորեական կենտրոնական լրատվական գործակալությունը (KCNA):
Հաղորդվում է, որ վարժանքները տեղի են ունեցել ափամերձ գոտում՝ մարտական պայմաններին հնարավորինս մոտ պայմաններում։ Հիմնական խնդիրն էր գնահատել հրետանավորների կարողությունը գիշերը շարժվելու, արագ տեղակայվելու և հանկարծակի հայտնված թիրախին հարվածելու համար։
Զորամասերի հրամանատարները անձամբ վերահսկում էին իրենց ստորաբաժանումների գործողությունները, որոնք կրակային հարվածներ էին հասցնում ռազմածովային թիրախներին խստորեն սահմանված ժամին։
ԿԺԴՀ-ի առաջնորդը նշել է, որ մրցույթները բանակի պատրաստության ոլորտում առաջընթացի հստակ օրինակ են վերջերս կայացած Հրամանատարների 7-րդ համագումարից հետո, ինչպես նաև գիտական մոտեցման և զինվորական անձնակազմի բարձր գաղափարախոսական մակարդակի արդյունք են։
