Հայաստանի Ազգային ժողովի նախագահ Ալեն Սիմոնյանը չի համարում, որ հայ-ադրբեջանական խաղաղության պայմանագրի շուրջ բանակցությունների գործընթացը փակուղում է։ «Ազատությանը» տված հարցազրույցում նա հայտարարել է՝ նաև պետք է թույլ չտանք, որ այդ գործընթացը մտնի փակուղի։
«Եվ դա այն է, ինչ ուզում են այն մարդիկ, այն պետությունները, որոնք թշնամաբար են տրամադրված Հայաստանի և միգուցե Ադրբեջանի նկատմամբ», - նշել է նա։
Այն նույն խոսակցություններն այն մասին, որ Հայաստանը զինվում է, որ պատրաստվի հարձակվել։ Մեզ համար բնական է՝ դա աբսուրդային է հնչում, և դա իրականության հետ որևէ կապ չունի, բայց տեսեք, դնում են դա շրջանառության մեջ, որպեսզի հնարավոր հարձակումը ապագա լեգիտիմացնեն։ Մենք չենք կարող այդ թելը թելել և այդ ճանապարհով գնալ»։
Անդրադառնալով Արցախի դեմ ադրբեջանական ագրեսիային՝ Սիմոնյանը նշել է․
«Հարձակվել Ղարաբաղի վրա և Հայաստանից տարածքներ օկուպացնել տարբեր բաներ են իրավունքի տեսակետից։ Ադրբեջանն արեց Ղարաբաղում մի գործողություն, որի տակ ինքն ուներ առնվազն 3-4 ՄԱԿ-ի բանաձև»։
